టాలీవుడ్ యంగ్ డైరెక్టర్ బాబీ వరుస సూపర్ హిట్స్ అందుకుంటూ స్టార్ దర్శకుడిగా దూసుకుపోతున్నాడు… ఈ ఏడాది ప్రారంభంలో గాడ్ ఆఫ్ మాసెస్ బాలయ్య హీరోగా తెరకెక్కించిన డాకు మహారాజ్ మూవీతో బాబీ సూపర్ హిట్ అందుకున్నాడు. బాబీ గతంలో తెరకెక్కించిన సినిమాల కంటే డాకు మహారాజ్ ను టెక్నీకల్ గా, విజువల్ గా అద్భుతంగా తెరకెక్కించాడు. వాల్తేర్ వీరయ్య సినిమాతో అటు చిరంజీవికి,, డాకు మహారాజ్ తో ఇటు బాలయ్యకు సూపర్ హిట్ అందించి సీనియర్ హీరోలను బాబీ బాగా హ్యాండిల్ చేయగలడు అని నిరూపించుకున్నాడు..
ఫిట్ నెస్ కోసం కాజల్ కష్టాలు.. వర్కౌట్ వీడియో వైరల్..!!
అయితే డాకు మహారాజ్ సినిమా రిలీజ్ అయి దాదాపు ఆరు నెలలు దాటుతోంది. మరి బాబీ నెక్ట్స్ సినిమా ఏంటనే దానిపై క్లారిటి రాలేదు. చిరుతో మరో సినిమా చేయబోతున్నాడు అని ఆ మధ్య న్యూస్ వైరల్ అయింది.. కానీ చిరు ప్రస్తుతం వరుస సినిమాలతో బిజీగా ఉన్నాడు. అలాగే బాలయ్యతో కూడా మరో సినిమా చేయబోతున్నాడని కూడా టాక్ వినిపించింది.. గోపీచంద్ మలినేనితో బాలయ్య చేయబోతున్న సినిమా తర్వాత బాబీ సినిమా ఉండనున్నట్లు సమాచారం.ఇదిలా ఉంటే మ్యాన్ ఆఫ్ మాసెస్ ఎన్టీఆర్ కోసం బాబీ ఓ కథ రెడీ చేస్తున్నాడట. ఈ సినిమా పూర్తిగా అవుట్ అండ్ అవుట్ హై యాక్షన్ ఎంటర్టైనర్ గా ఉండబోతుందట.
గతంలో వీరి కాంబోలో వచ్చిన జై లవ కుశ సూపర్ హిట్ గా నిలిచింది.. అయితే ఎన్టీఆర్ లైనప్ లో కూడా భారీ సినిమాలు వున్నాయి.. అవి పూర్తి అయిన తరువాతే బాబీ సినిమా సెట్స్ మీదకి వెళ్లే అవకాశం ఉంటుంది..త్వరలో ఈ కాంబినేషన్ కి సంబంధించి ఇంట్రెస్టింగ్ అప్డేట్ రానుంది..
