మ్యాన్ ఆఫ్ మాసెస్ ఎన్టీఆర్ ప్రస్తుతం వరుస సినిమాలు లైన్ లో పెడుతూ జోరు మీద వున్నాడు. ఆర్ఆర్ఆర్ లాంటి పాన్ ఇండియా రేంజ్ హిట్ అందుకున్న ఎన్టీఆర్ హిందీలో సైతం మంచి గుర్తింపు సంపాదించాడు. తర్వాత వచ్చిన దేవర కూడా మంచి విజయం సాధించింది..ఇప్పుడు వార్ 2 సినిమాతో ఎన్టీఆర్ బాలీవుడ్ ఎంట్రీకి రంగం సిద్ధమైంది.యశ్రాజ్ ఫిల్మ్స్ బ్యానర్ భారీగా నిర్మిస్తున్న బిగ్గెస్ట్ స్పై థ్రిల్లర్గా వార్ 2 సినిమా రూపొందుతోంది. హృతిక్ రోషన్ ప్రధాన పాత్రలో నటిస్తున్న ఈ సినిమాలో ఎన్టీఆర్ కీలక పాత్రలో నటిస్తున్నాడు.
ఉస్తాద్ భగత్ సింగ్ : సెట్స్ లో ప్రత్యక్షమైన మెగాస్టార్.. పిక్స్ వైరల్..!!
ఈ ఇద్దరు స్టార్ హీరోలు కలిసి నటిస్తున్నారని ప్రకటన వచ్చినప్పటి నుంచే సినిమా మీద భారీ అంచనాలు ఏర్పడ్డాయి.. బాక్సాఫీస్ వద్ద భారీ రికార్డులు బద్దలు కొడుతుందని మేకర్స్ కూడా ధీమాగా ఉన్నారు.అయితే వీరిద్దరి డాన్స్కి సపరేట్ ఫ్యాన్ బేస్ ఉంది. ఈ నేపథ్యంలోనే వీరిద్దరితో కలిసి ఒక యుద్ధంలాంటి డాన్స్ సీక్వెన్స్ ఒకటి మేకర్స్ ప్లాన్ చేశారు. ప్రస్తుతానికి ఈ సాంగ్కి సంబంధించిన షూటింగ్ ముంబైలో జరుగుతోంది.
ఈరోజు ఉదయం నుంచే ఈ సాంగ్ షూటింగ్ మొదలైనట్లు సమాచారం.ఈ ఇద్దరూ ఇప్పటికే కొద్ది రోజులుగా రిహార్సల్స్ కూడా చేస్తున్నారట. ఈరోజు మొదలైన షూటింగ్ కూడా ఎంతో ఆసక్తికరంగా సాగినట్లు తెలుస్తోంది. ఆదిత్య చోప్రా నిర్మిస్తున్న ఈ సినిమాని అయాన్ ముఖర్జీ డైరెక్ట్ చేస్తున్నాడు. ఈ సినిమాను మేకర్స్ ఆగస్టు 14వ తేదీన గ్రాండ్ గా రిలీజ్ చేయనున్నారు..అయితే ఈ సినిమాకి పోటీగా తలైవా రజనీకాంత్ “కూలీ” కూడా రిలీజ్ కాబోతుంది..ఈ సినిమాలో కూడా భారీగా స్టార్స్ నటిస్తున్నారు.. లోకేష్ కనగరాజ్ ఈ సినిమాను భారీ బడ్జెట్ తో తెరకెక్కించాడు..
