ఐకాన్ స్టార్ అల్లు అర్జున్ నటించిన పాన్ ఇండియా మూవీ “ పుష్ప 2 “ ప్రపంచవ్యాప్తంగా డిసెంబర్ 5 న గ్రాండ్ గా రిలీజ్ అయి బాక్సాఫీస్ వద్ద భారీ కలెక్షన్స్ సాధిస్తూ దూసుకుపోతుంది.క్రియేటివ్ డైరెక్టర్ సుకుమార్ తెరకెక్కించిన ఈ సినిమాలో అల్లుఅర్జున్ నట విశ్వరూపం చూపించారు.. సినిమా మొదలు నుంచి అఖరు వరకు అల్లుఅర్జున్ రప్పా రప్పా పెర్ఫార్మన్స్ అదిరిపోతుంది..ఈ సినిమాకు మొదటి రోజు భారీ ఓపెనింగ్స్ వచ్చాయి.
పుష్ప 2 : కల్యాణ్ బాబాయ్ థాంక్యు..అల్లు అర్జున్ ఎమోషనల్ కామెంట్స్ వైరల్..!!
ప్రపంచవ్యాప్తంగా ఈ సినిమా మొదటి రోజు ఏకంగా రూ. 294 కోట్ల కలెక్షన్స్ సాధించి చరిత్ర సృష్టించింది.. ఓవరాల్ గా రెండు రోజుల్లో పుష్ప 2 సినిమా ఏకంగా రూ. 449 కోట్ల కలెక్షన్లు రాబట్టింది. దీనితో మేకర్స్ ఈ సినిమా సక్సెస్ మీట్ ఏర్పాటు చేసారు.. బంజారా హిల్స్ రాడిసన్ బ్లూ హోటల్ లో నిర్వహించిన ఈ కార్యక్రమానికి హీరో అల్లు అర్జున్,డైరెక్టర్ సుకుమార్ తో పాటు చిత్ర నిర్మాతలు కూడా హాజరయ్యారు. ఈ సందర్భంగా మాట్లాడిన సుకుమార్ సంధ్య థియేటర్ ఘటన తల్చుకుని కాస్త ఎమోషనల్ అయ్యారు.
‘నేను మూడు రోజుల నుంచి అస్సలు సంతోషంగా లేను. నేను ఓ సినిమా మూడేళ్లు తీసినా, ఆరేళ్లు తీసినా ఒక ప్రాణాన్ని మాత్రం కాపాడుకోలేకపోయాం. రేవతి కుటుంబానికి అన్ని విధాలుగా అండగా ఉంటాం. ఆ బాధ నుంచి కాస్త తేరుకున్నాకే రికార్డులు చూస్తున్నాం అని సుకుమార్ తెలిపారు.. ఆ కుటుంబానికి ఎప్పుడు తోడుగా ఉంటాం’ అని సుకుమార్ భరోసా ఇచ్చారు.‘పుష్ప 2 డైరెక్టెడ్ బై సుకుమార్ మాత్రమే కాదు.. శ్రీమాన్ అని కూడా వేయాలి.. ఈ సినిమాలో సగం ఆయనే డైరెక్ట్ చేశాడు.. సెకండ్ యూనిట్ మొత్తం శ్రీమానే చూసుకున్నాడు. సుకుమార్ అనేవాడు ఒక్కడు కాదు.. నా డైరెక్షన్ డిపార్ట్మెంట్ మొత్తం కలిస్తేనే సుకుమార్ అవుతాడు’ తన టీమ్ గురించి సుకుమార్ ఎంతో గొప్పగా చెప్పుకొచ్చారు
