యువ సామ్రాట్ అక్కినేని నాగచైతన్య న్యాచురల్ బ్యూటీ సాయి పల్లవి జంటగా నటించిన లేటెస్ట్ మూవీ “తండేల్”..నాగచైతన్య కెరీర్ లోనే భారీ బడ్జెట్ తో తెరకెక్కుతున్న సినిమా కావడంతో ఈ సినిమాపై ప్రేక్షకులలో భారీ అంచనాలు ఏర్పడ్డాయి..ఈ సినిమాకు ‘కార్తికేయ 2’ ఫేం చందు మొండేటి దర్శకత్వం వహించిన విషయం తెలిసిందే.. గతంలో చందూ మొండేటి నాగ చైతన్యతో ప్రేమమ్, సవ్య సాచి వంటి సూపర్ హిట్ మూవీస్ తెరకెక్కించాడు..ఇప్పుడు వస్తున్న “ తండేల్ “ సినిమాతో హాట్రిక్ హిట్ అందుకుంటారని ఫ్యాన్స్ ఎంతో ఫ్యాన్స్ ఆసక్తిగా ఎదురుచూస్తున్నారు..
ప్రభాస్ ” స్పిరిట్” షూటింగ్ కి ముహూర్తం ఫిక్స్..?
ఇప్పటికే ఈ చిత్రం నుంచి విడుదలైన పాటలన్నీ సూపర్ హిట్‌గా నిలిచాయి. ఇప్పుడు ఎక్కడ విన్నా తండేల్ సాంగ్సే వినిపిస్తున్నాయి.రాక్ స్టార్ దేవిశ్రీప్రసాద్ ఈ సినిమాకు అద్భుతమైన మ్యూజిక్ అందించాడు..ఇదిలా ఉంటే ఇటీవల విడుదలైన తండేల్ మూవీ ట్రైలర్ కూడా అదిరిపోయింది. లవ్‌స్టోరీ తర్వాత నాగచైతన్య, సాయి పల్లవి కలిసి నటించిన ఈ చిత్రంపై ప్రేక్షకులలో భారీ అంచనాలు ఉన్నాయి. ఈ సినిమాను గీతా ఆర్ట్స్ బ్యానర్ పై అల్లుఅరవింద్ సమర్పణలో బన్నీ వాసుభారీ స్థాయిలో నిర్మించాడు..ఫిబ్రవరి 7న ఈ చిత్రం ప్రేక్షకుల ముందుకు రానుంది.
తాజాగా ఈ మూవీ సెన్సార్ పని పూర్తయింది.ఈ సినిమా చూసిన సెన్సార్ సభ్యులు ఈ సినిమాకు యు/ఎ సర్టిఫికెట్ ఇచ్చారు. అంతేకాదు ఈ సినిమాపై ప్రశంసలు కురిపించినట్లు తెలుస్తోంది. ఈ మధ్యకాలంలో ఇలాంటి సినిమా అస్సలు రాలేదని,కచ్చితంగా ‘బ్లాక్ బస్టర్’ అవుతుంది అని సెన్సార్ సభ్యులు చిత్ర యూనిట్ ని మెచ్చుకున్నారట..ఇప్పటికే ఈ చిత్రంపై నిర్మాత అల్లు అరవింద్‌ ఎంతో నమ్మకంగా ఉన్నాడు. తండేల్ సినిమా నిడివి సైతం 2:32 గంటల నిడివి మాత్రమే ఉందని సమాచారం. అనవసర సన్నివేశాలు లేకుండా కథను మాత్రమే ఎలివేట్‌ చేసేలా ఈ సినిమాలోని సీన్స్‌ ఉంటాయని తెలుస్తుంది.
