దర్శకధీరుడు రాజమౌళి, సూపర్ స్టార్ మహేష్ కాంబినేషన్ లో వస్తున్న మోస్ట్ ప్రెస్టీజియస్ మూవీ SSMB. ఆర్ఆర్ఆర్ సినిమా తరువాత రాజమౌళి తెరకెక్కిస్తున్న సినిమా కావడం అది కూడా సూపర్ స్టార్ మహేష్ ని రాజమౌళి మొదటి సారి డైరెక్ట్ చేయడంతో ఈ సినిమాపై ప్రేక్షకులలో భారీగా అంచనాలు వున్నాయి…. ఈ బిగ్గెస్ట్ మూవీ మహేశ్ బాబు కెరీర్ లో 29 వ సినిమా గా తెరకెక్కుతుంది..మహేష్ బాబు కెరియర్ లోనే కాదు రాజమౌళి కెరియర్ లో కూడా అత్యంత భారీ బడ్జెట్ తో ఈ చిత్రం తెరకెక్కనుంది. అయితే ఈ సినిమా రెగ్యులర్ షూటింగ్ పై దర్శకుడు రాజమౌళి కానీ ఆయన టీం కానీ ఇప్పటి వరకు అధికారక ప్రకటన చేయలేదు..కానీ ఈ సినిమా పూజా కార్యక్రమాలు కొద్ది రోజుల క్రితం చాలా సీక్రెట్ గా జరిగాయి.
దేవర కోసం పుష్ప రాజ్ స్ట్రాటెజీ.. కొరటాల ప్లాన్ అదిరిందిగా..!!
ఆ కార్యక్రమంకి సంబంధించి ఎలాంటి పిక్ గానీ.. వీడియో గానీ ఇప్పటి వరకు బయటకు రాలేదు. మేకర్స్ కూడా ఈ కార్యక్రమం గురించి ఎలాంటి అప్డేట్ ఇవ్వలేదు..ఈ సినిమాకు సంబంధించి కొన్ని నెలల పాటు ప్రీ ప్రొడక్షన్ వర్క్ జరగ్గా.. రెగ్యులర్ షూటింగ్ గురించి మేకర్స్ ఎలాంటి అప్డేట్ ఇవ్వలేదు. కానీ రీసెంట్ గా రాజమౌళి సోషల్ మీడియాలో ఇంట్రెస్టింగ్ వీడియోను షేర్ చేసిన విషయం తెలిసిందే.క్యాప్చర్డ్‌ అంటూ సింహాన్ని లాక్ చేసినట్లు అర్థం వచ్చేలా ఓ వీడియోను పోస్ట్ చేశారు.ఆ వీడియోలో రాజమౌళి పాస్ పోర్ట్ పట్టుకుని నవ్వడం.. బ్యాక్ గ్రౌండ్ లో మహేష్ స్పైడర్ మూవీ మ్యూజిక్ ను వాడుకోవడంతో అంతా చర్చనీయాంశంగా మారింది. నిజానికి మహేష్ ఎక్కువగా ఫారిన్ ట్రిప్స్ వెళ్తుంటారు. అందుకే సరదాగా ఇప్పుడు మహేష్ పాస్ట్ పోర్ట్ ను తీసుకుని ఆయనని లాక్ చేసినట్లు రాజమౌళి సరదాగా ఓ ఆ వీడియో పోస్ట్ చేసారు..అదే సమయంలో మహేష్ కూడా.. ఒక్కసారి కమిట్‌ అయితే నా మాట నేనే వినను అంటూ క్రేజీగా రిప్లై ఇచ్చారు. అలా రాజమౌళి పోస్ట్ అండ్ మహేష్ కామెంట్ వైరల్ అవుతుంది..
ఇదిలా ఉంటే ఈ సినిమాలో హీరోయిన్ గా బాలీవుడ్ స్టార్ బ్యూటీ ప్రియాంక చోప్రా నటిస్తున్నట్లు తెలుస్తుంది.. ఈ సినిమా రెగ్యులర్ షూటింగ్ కోసం ప్రియాంక తాజాగా హైదరాబాద్ చేరుకుంది.. హైదరాబాద్ అల్యూమినియం ఫ్యాక్టరీలో ఈ సినిమా వర్క్ షాప్ లో ప్రియాంక జాయిన్ అయినట్లు సమాచారం.. ఇదిలా ఉంటే ఈ సినిమా కోసం ప్రియాంక ఏకంగా 20 కోట్ల భారీ రెమ్యూనరేషన్ తీసుకుంటున్నట్లు ఓ న్యూస్ సోషల్ మీడియాలో వైరల్ అవుతుంది..
