టాలీవుడ్ స్టార్ హీరో మాస్ మహారాజ్ రవితేజ గురించి ప్రత్యేకంగా చెప్పాల్సిన పని లేదు.. తన స్టైల్ ఆఫ్ మాస్ యాక్టింగ్ తో ఎంతగానో అలరించే రవితేజ ప్రస్తుతం వరుస ప్లాప్స్ తో ఇబ్బంది పడుతున్నాడు.. గతంలో చేసిన వాల్తేరు వీరయ్య సినిమా తరువాత రవితేజ చేసిన రావణాసురుడు, ఈగల్, టైగర్ నాగేశ్వరరావు, మిస్టర్ బచ్చన్ వంటి సినిమాలు అంతగా ఆకట్టుకోలేక పోయాయి.ధమాకా రేంజ్ సక్సెస్ కోసం రవితేజ ప్రయత్నిస్తున్నాడు..రవితేజ నటిస్తున్న లేటెస్ట్ క్రేజీ ప్రాజెక్ట్ “మాస్ జాతర”…మనదే ఇదంతా.. అనే ట్యాగ్ లైన్ తో వస్తున్న ఈ సినిమా భాను భోగవరపు దర్శకత్వం వహిస్తున్నాడు..ఈ సినిమా పూర్తిగా మాస్ అండ్ ఫ్యామిలీ ఎంటర్‌టైనర్‌గా రూపొందుతోంది. సితార ఎంటర్‌టైన్‌మెంట్స్, ఫార్చూన్ ఫోర్ బ్యానర్స్‌ ఈ సినిమాను సంయుక్తంగా నిర్మిస్తున్నారు. రవితేజ నటనలో ఉండే ఎనర్జీ, టైమింగ్ గురించి ప్రత్యేకంగా చెప్పనక్కర్లేదు. “మాస్ జాతర” చిత్రంలోని సాంగ్స్, యాక్షన్ సీక్వెన్స్ ప్రేక్షకులకు థియేటర్లలో అసలైన పండగను అందించబోతున్నాయి.
స్పిరిట్ : అదంతా ఫేక్.. క్లారిటీ ఇచ్చిన మేకర్స్..!!
ఇక ఫ్యాన్స్ ఎప్పుడెప్పుడా అని ఎదురుచూస్తున్న “మాస్ జాతర” నుంచి తాజాగా బిగ్ అప్డేట్ వచ్చింది.రవన్న మాస్ దావత్ షురూ రా భయ్ అంటూ ఒక క్రేజీ పోస్టర్ ను మేకర్స్ విడుదల చేశారు.ఈ సినిమా నుంచి “మాస్ రాంపేజ్ గ్లింప్స్”ను రవితేజ బర్త్ డే సందర్భంగా జనవరి 26న విడుదల చేయనున్నట్టు చిత్ర యూనిట్ ప్రకటించింది. ఈ స్పెషల్ గ్లింప్స్‌తో రవితేజ బర్త్‌డే వేడుకలను గ్రాండ్‌గా ప్రారంభించనున్నారు.. లేటెస్ట్ పోస్టర్ సోషల్ మీడియాలో ఓ రేంజ్‌లో ట్రెండ్ అవుతోంది.
రవితేజ భోజనానికి ముందు కూర్చున్న స్టిల్ అదిరిపోయింది..రౌడీలను చితకబాదిన అనంతరం మాస్ బిహేవియర్ తో భోజనం ముందు కూర్చున్న రవితేజ . మీసం మెలేస్తూ కోరగా చూస్తున్న లుక్ ఫ్యాన్స్ కి ఫుల్ మీల్స్ లా ఉంది…ఈ సినిమాలో రవితేజ సరసన డాన్సింగ్ క్వీన్ శ్రీలీల హీరోయిన్ గా నటిస్తుంది.. అలాగే ఈ సినిమాకు భీమ్స్ సిసిరోలియో సంగీతం అందిస్తున్నారు. ధమాకా అనంతరం వీరి కాంబినేషన్లో వస్తున్న మరో సినిమా కావడంతో మ్యూజిక్ పై మంచి అంచనాలు ఉన్నాయి
