దర్శక ధీరుడు ఎస్ఎస్ రాజమౌళి తెరకెక్కించిన రీసెంట్ గ్లోబల్ హిట్ మూవీ ఆర్ఆర్ఆర్.ఈ సినిమాలో టాలీవుడ్ స్టార్ హీరోలు రామ్ చరణ్, జూనియర్ ఎన్టీఆర్ లు కలిసి నటించారు.. టాలీవుడ్ లో ఇద్దరు బడా స్టార్స్ తో రాజమౌళి బిగ్గెస్ట్ మల్టీ స్టారర్ ను తెరకెక్కించారు.ఆర్ఆర్ఆర్ సినిమా ప్రపంచవ్యాప్తంగా సంచలన విజయం సాధించింది..అంతే కాదు ప్రపంచం గర్వించదగ్గ ఆస్కార్ అవార్డ్ కూడా దక్కించుకుంది ..ఒక తెలుగు సినిమాతో ప్రతిష్టాత్మక ఆస్కార్ అవార్డ్ సాధించి ప్రపంచ దిగ్గజ దర్శకుల జాబితాలో రాజమౌళి చేరారు..ప్రపంచవ్యాప్తంగా ప్రతి ఒక్కరూ తెలుగు సినిమా గురించి మాట్లాడుకునేలా చేశారు..
సొంత కథతో రాజమౌళి సినిమా ఎప్పుడు వస్తుందో..?
దీంతో రాజమౌళి సినిమా అంటే ఎంత బడ్జెట్ పెట్టడానికి అయినా సరే నిర్మాతలు పోటీ పడుతున్నారు..రాజమౌళి తదుపరి సినిమాలపై అంచనాలు పెరిగిపోయాయి. రాజమౌళి తన నెక్స్ట్ ప్రాజెక్ట్ మహేష్ బాబుతో చేయబోతున్న విషయం తెలిసిందే.ప్రస్తుతం అందుకు సంబంధించిన ఏర్పాట్లలో రాజమౌళి చాలా బిజీబిజీగా ఉన్నారు. ఇదిలా ఉంటే తాజాగా దర్శకుడు రాజమౌళి ఆర్ఆర్ఆర్: బిహైండ్ అండ్ బియాండ్ పేరుతో ఒక డాక్యుమెంటరీ విడుదల చేసిన విషయం తెలిసిందే. ఈ డాక్యుమెంటరీ ప్రస్తుతం ఓటీటీ నెట్‌ఫ్లిక్స్ లో స్ట్రీమింగ్‌ అవుతోంది. ఈ సందర్భంగా ఈ డాక్యుమెంటరీ పై రాజమౌళి కొన్ని ఆసక్తికర వ్యాఖ్యలు చేసారు.
పోరాట వీరులు కొమురం భీమ్, అల్లూరి సీతారామరాజు దాదాపు ఒకే సమయంలో పుట్టారు. ఒకే సమయంలో ఇద్దరూ కనిపించకుండా వెళ్లిపోయారు. వారిద్దరూ ఒకచోట తారసపడితే ఎలా ఉంటుందనే ఆలోచన నుంచి ఆర్ఆర్ఆర్ కథ పుట్టింది.సినిమాలో రామ్‌చరణ్‌ ఎంట్రీ సీన్‌ విషయంలో ఆలోచించినంతగా మరే చిత్రానికి ఆలోచించలేదు…ఆ సీన్‌ లో లుక్స్‌ పరంగా ఆ పాత్ర హీరోగా కనిపించినా యాక్షన్‌ పరంగా విలన్ గా కనిపిస్తుంది. ఫైట్‌ ఎలా ఉండాలో యాక్షన్‌ కొరియోగ్రాఫర్‌ కు వివరించాను. ఎన్టీఆర్ ఎంట్రీ విషయంలో టైగర్ సీక్వెన్స్ చేయాలని ఎప్పటినుంచో అనుకునేవాడిని. భీమ్ పాత్రతో అది కుదిరిందని రాజమౌళి తెలిపారు. తారక్‌ ఎంతో వేగంగా పరిగెత్తాడు. ఒక చోట జంప్‌ చేసే క్రమంలో నేను ఊహించిన షాట్‌ దొరికిందనిపించింది.జంతువుల వేగాన్ని అందుకోవడం కష్టం. దానికి తగ్గట్టు తొలుత యానిమేషన్‌ చేశాము. యానిమల్‌ ఉందని ఊహించుకొని ఎన్టీఆర్ యాక్ట్‌ చేయడం ఒకెత్తు అయితే, ఎంత వేగంతో పరిగెత్తాలన్నది మరో ఎత్తు. భీమ్ క్యారెక్టర్‌ ఫిజికల్‌గా స్ట్రాంగ్‌ అయినా ఎమోషన్‌ ఎక్కువ. టైగర్ అరుపుకి తగ్గట్టుగ్గా ఎన్టీఆర్ అరుపుతో తో నా రోమాలు నిక్కబొడుచుకున్నాయని ఒక్క పులి కాదు రెండు పులులతో షూటింగ్ చేశాను అని రాజమౌళి తెలిపారు..
