ప్రస్తుతం టాలీవుడ్ లో బ్లాక్ బస్టర్ కాంబో ఎవరిదీ అంటే వెంటనే అల్లు అర్జున్, సుకుమార్ కాంబో గురించే ముందుగా చెబుతారు. తొలి సినిమా ఆర్యతోనే సెన్సేషన్ క్రియేట్ చేసిన ఈ కాంబో పుష్ప సిరీస్ తో ఇండియన్ సినిమా హిస్టరీలో సరికొత్త రికార్డు క్రియేట్ చేసారు.అల్లు అర్జున్ క్రేజ్ నీ తనదైన టేకింగ్ తో సుకుమార్ అమాంతం టాప్ లోకి తీసుకెళ్లాడు.అల్లు అర్జున్ హీరోగా సుకుమార్ తెరకెక్కించిన ఆర్య సినిమా సూపర్ హిట్ అవ్వడంతో ఆర్యకు సీక్వెల్ గా దర్శకుడు సుకుమార్ ఆర్య 2 సినిమాను తెరకెక్కించారు.. చందమామ కాజల్ అగర్వాల్ ఈ సినిమాలో హీరోయిన్ గా నటించగా యంగ్ హీరో నవదీప్ అల్లుఅర్జున్ బెస్ట్ ఫ్రెండ్ గా కీలక పాత్రలో నటించాడు. 2009లో వచ్చిన ఈ సినిమా బిగ్గెస్ట్ మ్యూజికల్ బ్లాక్ బస్టర్ హిట్ గా నిలిచింది. ఈ సినిమాకు దేవీ శ్రీ ప్రసాద్ మ్యూజిక్ మెయిన్ హైలైట్ గా నిలిచింది.. ఈ సినిమాలోని సాంగ్స్ చాలా మంది ఫ్యాన్స్ కి ఆల్ టైం ఫేవరెట్ గా నిలిచాయి..
అదుర్స్ సీక్వెల్ అందుకే వద్దనుకున్నా.. ఎన్టీఆర్ ఇంట్రెస్టింగ్ కామెంట్స్..!!
ఇదిలా ఉంటే టాలీవుడ్ లో రీరిలీజ్ ట్రెండ్ భారీ ఎత్తున జరుగుతుంది. ఈ నేపథ్యంలో అల్లు అర్జున్ ఆర్య 2 గ్రాండ్ గా రీ రిలీజ్ చేస్తున్నట్లు మేకర్స్ ప్రకటించారు.. ఆర్య 2 సినిమా నేడు అనగా ఏప్రిల్ 5 వ తేదీన గ్రాండ్ గా రీరిలీజ్ అయింది.. అయితే ఈ సినిమా గ్రాండ్ రీ రిలీజ్ నేపథ్యంలో ఆర్టీసీ క్రాస్ రోడ్ లోని సంధ్య థియేటర్ వద్డ అలాగే సుదర్శన్ థియేటర్ వద్ద పోలీసులు భారీ బందోబస్త్ నిర్వహించారు. టికెట్ లేనిది ఎవరిని కూడా థియేటర్ లోపలికి అనుమతించట్లేదు. ఎటువంటి డీజే సౌండ్స్ థియేటర్ వద్ద అనుమతించట్లేదు.
పుష్ప 2 సినిమా సమయంలో జరిగిన సంఘటనను దృష్టిలో పెట్టుకుని ఫ్యాన్స్ హంగామా చేసేందుకు పోలీసులు అనుమతించలేదని సమాచారం. ఇదిలా ఉంటే ఆర్య 2 అడ్వాన్స్ బుకింగ్స్ లో సంధ్య 35mmలో కేవలం 2 నిమిషాలలోనే హౌస్ ఫుల్ అయింది. ఇంత తక్కువ టైమ్ లో మొత్తం టికెట్స్ సేల్ అయిన సినిమాగా ఆర్య 2 రికార్డ్ క్రియేట్ చేసింది
