గ్లోబల్ స్టార్ రామ్ చరణ్ నటిస్తున్న లేటెస్ట్ పాన్ ఇండియా మూవీ “ పెద్ది “.. ఉప్పెన ఫేమ్ దర్శకుడు బుచ్చిబాబు కాంబోలో వస్తున్న సినిమాపై ప్రేక్షకులలో భారీ అంచనాలు వున్నాయి..టాలీవుడ్ బడా నిర్మాణ సంస్థ మైత్రీ మూవీ మేకర్స్ సమర్పణలో సుకుమార్ రైటింగ్స్ తో కలిసి వృద్ధి సినిమాస్ బ్యానర్ పై సతీష్ కిలారు గ్రాండ్ గా నిర్మిస్తున్నారు.స్పోర్ట్స్ ప్రధాన అంశంగా తెరకెక్కుతున్న ఈ సినిమాను బుచ్చి బాబు భారీ స్థాయిలో తెరకెక్కిస్తున్నాడు. ఈ సినిమాలో రామ్ చరణ్ సరసన బాలీవుడ్ హాట్ బ్యూటీ జాన్వీ కపూర్ హీరోయిన్ గా నటిస్తోంది. ఆ మధ్య రాంచరణ్ బర్త్ డే సందర్భంగా రిలీజ్ చేసిన పెద్ది ఫస్ట్ గ్లిమ్స్ ఎంతటి సెన్సేషన్ క్రియేట్ చేసిందో చెప్పనవసరం లేదు..
వార్ 2 : ప్రమోషన్ షురూ.. ఊహించని సర్ప్రైజ్ లోడింగ్..!!
గేమ్ ఛేంజర్ సినిమా నిరాశ పరచడంతో ఫ్యాన్స్ అంతా ఈ సినిమాపై ఆశలు పెట్టుకున్నారు.ఇదిలా ఉంటే ఈ సినిమా షూటింగ్ ప్రస్తుతం శర వేగంగా జరుగుతుంది.. గత కొంత కాలంగా హైదరాబాద్ లోని రామోజీ ఫిల్మ్ సిటీలో భారీ సెట్స్ మధ్య యాక్షన్ సీన్స్ ఫినిష్ చేసారు. అలాగే టాకీ పోర్షన్ సీన్స్ కూడా చేస్తున్నారు. హీరోయిన్ జాన్వీ కపూర్ జూలై 12న పెద్ధి షూటింగ్లో తిరిగి జాయిన్ కానుంది. ఆ సమయంలో జాన్వీపై కొన్ని కీలకమైన రొమాంటిక్ సన్నివేశాలు మరియు రెండు పాటలను షూట్ చేయబోతున్నారని తెలుస్తుంది.. పెద్ది మూవీకి సంబంధించి ఇంకా దాదాపు 40 రోజుల చిత్రీకరణ మిగిలి ఉంది.
హైదరాబాద్ లో షూటింగ్ ముగించి ఈ నెలాఖరు నుంచి డిల్లీలో షూటింగ్ చేసేందుకు మేకర్స్ షెడ్యుల్ ప్లాన్ చేసారు. దాదాపు ఓ ఒక వారం పాటు అక్కడ కీలక సన్నివేశాలు తీయబోతున్నారు. ఎట్టి పరిస్థితుల్లో పెద్ది మూవీ షూటింగ్ ఆగస్టు లోపు ఫినిష్ చేయాలని మేకర్స్ టార్గెట్గా పెట్టుకున్నారట. ఈ సినిమాకు ఆస్కార్ విన్నర్ ఏ ఆర్ రెహమాన్ సంగీతం అందిస్తున్న సంగతి తెలిసిందే.. పెద్ది మూవీ వచ్చే ఏడాది మార్చి 27న భారీ స్థాయిలో రిలీజ్ కానుంది..
