మంచు విష్ణు డ్రీమ్ ప్రాజెక్టుగా తెరకెక్కుతున్న బిగ్గెస్ట్ పాన్ ఇండియా మూవీ “ కన్నప్ప”.. ఈ సినిమా భారీ అంచనాలతో రూపొందుతుంది.. ఈ సినిమాను మంచు విష్ణు ఎంతో ప్రెస్టేజియస్ గా తెరకెక్కిస్తున్నారు..మైథలాజికల్ బ్యాక్ డ్రాప్ లో సిద్దమవుతున్న ఈ సినిమాలో భారీ తారాగణం నటిస్తున్నారు..కోలీవుడ్, టాలీవుడ్, బాలీవుడ్ ఇలా అన్ని ఇండస్ట్రీస్ నుంచి బిగ్ స్టార్లు ఈ సినిమాలో కీలక పాత్ర పోషిస్తున్నారు.. ఇప్పటికే పలువురు స్టార్స్ ఫస్ట్ లుక్ పోస్టర్స్ ను మేకర్స్ రిలీజ్ చేసారు.. ఈ సినిమాలో మంచు విష్ణు “కన్నప్ప” గా నటిస్తున్నాడు.. గత ఏడాది రిలీజ్ అయిన ఈ చిత్ర గ్లింప్స్ ప్రేక్షకులను ఎంతగానో ఆకట్టుకుంది.. ఈ సినిమాను మంచు విష్ణు దాదాపు 100 కోట్లకు పైగా భారీ బడ్జెట్ తో తెరకెక్కిస్తున్నారు.. ఈ సినిమాలోని ఎక్కువభాగం న్యూజిలాండ్ ఫారెస్ట్ లో తెరకెక్కించారు.. మోహన్ లాల్, అక్షయ్ కుమార్, మోహన్ బాబు, కాజల్ వంటి స్టార్స్ ఈ సినిమాలో నటిస్తున్నారు..వారి పాత్రలకు సంబంధించి ఇటీవల ఫస్ట్ లుక్ పోస్టర్స్ కూడా మేకర్స్ రిలీజ్ చేసారు..
ఓటీటీలోకి వచ్చేస్తున్న బాలయ్య బ్లాక్ బస్టర్ మూవీ.. స్ట్రీమింగ్ ఎప్పుడంటే..?
ఇదిలా ఉంటే ఈ సినిమాల్క్ రెబెల్ స్టార్ ప్రభాస్ కూడా ఓ కీలక పాత్రను పోషిస్తున్న విషయం తెలిసిందే… దీంతో ఈ సినిమాలో ప్రభాస్ లుక్ ఎలా ఉండబోతుందా అని డార్లింగ్ ఫ్యాన్స్ ఎంతో ఆసక్తిగా ఎదురుచూస్తున్నారు.ఈ క్రమంలో తాజాగా మేకర్స్ అదిరిపోయే అప్డేట్ ఇచ్చారు. కన్నప్ప నుంచి ప్రభాస్ లుక్ గ్లిమ్ప్స్ రిలీజ్ చేశారు. ఇందులో ప్రభాస్ కళ్ళు, నుదిటి భాగం మాత్రమే కనిపిస్తుంది. నుదిటిపై విభూతి నామాలు, చేతిలో త్రిశూలంతో పవర్ ఫుల్ గా కనిపించారు. అయితే ప్రభాస్ పూర్తి లుక్ పోస్టర్ ఫిబ్రవరి 3న విడుదల చేయనున్నట్లు మేకర్స్ తెలిపారు.
ఇది ఇలా ఉంటే.. గతంలో కన్నప్ప నుంచి ప్రభాస్ లుక్ లీక్ అంటూ ఓ ఫొటో నెట్టింట తెగ వైరలైంది. దీనిపై స్పందించిన మంచు విష్ణు ఫొటో లీక్ చేసినవారిని పట్టిస్తే భారీగా రివార్డు అందిస్తానని బంపరాఫర్ కూడా ప్రకటించారు. సైబర్ పోలీసులకు కూడా ఫిర్యాదు చేయగా.. ఫొటో లీక్ చేసిన నిందితుడిని పట్టుకున్నారు. అతడితో క్షమాపణలు చెప్పించారు.ఈ సినిమాలో అక్షయ్, కాజల్ శివపార్వతులుగా కనిపించనున్నారు.ఈ భారీ బడ్జెట్ చిత్రాన్ని ముకేశ్ కుమార్ సింగ్ తెరకెక్కిస్తున్నారు… కన్నప్ప సినిమా ఏప్రిల్ 25న ప్రపంచవ్యాప్తంగా భారీ స్థాయిలో విడుదల కానుంది.
