నందమూరి నటసింహం బాలకృష్ణ నటించిన లేటెస్ట్ మూవీ “ డాకు మహారాజ్ “.. ఈ సినిమా కోసం ఫ్యాన్స్ ఎంతగానో ఎదురు చూసారు.. వరుసగా మూడు బ్లాక్ బస్టర్స్ అందుకున్న బాలయ్య నాలుగో సూపర్ హిట్ కోసం బాక్స్ఆఫిస్ పై దాడి చేసేందుకు సిద్ధం అయ్యాడు.. ఈ సినిమా సంక్రాంతి కానుకగా ఈ నెల 12 న గ్రాండ్ గా రిలీజ్ అయింది..దర్శకుడు బాబీ తెరకెక్కించిన ఈ సినిమాకు ప్రేక్షకుల నుంచి మంచి రెస్పాన్స్ లభించింది.. తమన్ అందించిన బాక్గ్రౌండ్ మ్యూజిక్ కి థియేటర్స్ లో స్పీకర్స్ పగిలిపోయాయి.. అంతలా ఈ సినిమాలో ని మ్యూజిక్ ప్రేక్షకులను ఆకట్టుకుంది.. బాలయ్యకు వరసగా నాలుగో బ్లాక్ బస్టర్ అందించిన డాకు మహారాజ్ ఫలితం పట్ల అభిమానులు సంతోషంగానే ఉన్నారు కానీ చిన్న అసంతృప్తి.
సెన్సార్ పూర్తి చేసుకున్న “తండేల్”.. రన్ టైం ఎంతో తెలుసా..?
కనీసం రెండు వందల నుంచి రెండు వందల యాభై కోట్ల మధ్యలో గ్రాస్ వస్తుందని ఫ్యాన్స్ అంచనా వేసుకున్నారు..అంచనాలకు భిన్నంగా డబుల్ సెంచరీ గ్రాస్ కలెక్ట్ చేయకుండానే ఈ సినిమా ఫైనల్ రన్ కు వచ్చేసింది..అన్ని ఏరియాలు బ్రేక్ ఈవెన్ అయ్యాయని నిన్న నిర్మాణ సంస్థ ప్రకటించింది కానీ అందులో ఎలాంటి నెంబర్స్ లేవు…
సంక్రాంతికి వస్తున్నాం రేంజ్ లో కలెక్షన్ పోస్టర్స్ లేకపోవడంతో ఫ్యాన్స్ లో కొత్త చర్చకు దారితీస్తుంది..ఏది ఏమైనా డాకు మహారాజ్ సినిమా అఖండ, వీరసింహారెడ్డి రేంజ్ లో ర్యాంపేజ్ చేయలేకపోయింది. భగవంత్ కేసరి మూవీ కలెక్షన్స్ దాటేసినా కానీ ఫ్యాన్స్ ఇంకా ఎక్కువగా ఈ సినిమా నుంచి ఆశించారు.. రొటీన్ కథ కావడంతో ఈ సినిమా ఫ్యాన్స్ ని మెప్పించిన కొన్ని వర్గాలను సంతృప్తి పరచలేదని తెలుస్తుంది..దీనితో బాలయ్య తన తరువాత సినిమా అఖండ 2 తో అయిన పాన్ ఇండియా రికార్డ్స్ బద్దలు కొట్టాలని ఫ్యాన్స్ భావిస్తున్నారు..
