ప్రపంచవ్యాప్తంగా సంచలనం సృష్టించిన సినిమా ఆర్ఆర్ఆర్. అప్పట్లో మెగాస్టార్ చిరంజీవి, నందమూరి బాలయ్య కలిసి నటిస్తే చూడాలని అభిమానులు ఎంతో ఆశగా ఎదురుచూశారు. కాని ఆ కాంబినేషన్ కుదర్లేదు..కానీ వారి వారసులు అయిన రామ్ చరణ్- ఎన్టీఆర్ ఆర్ఆర్ఆర్ చిత్రంలో కలిసి నటించి ఫ్యాన్స్ కి మంచి కిక్ అందించారు..దర్శక ధీరుడు ఎస్ ఎస్ రాజమౌళి ఈ సినిమాను ఎంతో ప్రతిష్ఠాత్మకంగా రూపొందించారు.. పాన్ ఇండియా స్థాయిలో రిలీజ్ అయిన RRR అనేక రికార్డులు సాధించింది.
ప్రభాస్ ‘ ది రాజాసాబ్ ‘ బిగ్ అప్డేట్ వైరల్..!!
ఈ సినిమాలో బాలీవుడ్ స్టార్స్ ఆలియా భట్, అజయ్ దేవగన్ అలాగే బ్రిటన్ మోడల్ ఓలివియా మోరిస్ లాంటి క్రేజీ స్టార్స్ నటించడంతో ఈ మూవీకి సూపర్ బజ్ ఏర్పడింది.ఈ చిత్రం అనుకున్నట్లు గానే భారీ విజయం సాధించింది.. దాదాపు రూ.1100 కోట్లకి పైగా వసూళ్లు రాబట్టింది. అయితే తాజాగా లండన్ లోని అత్యంత ప్రతిష్టాత్మకమైన రాయల్ ఆల్బర్ట్ హాల్ లో ఈ చిత్ర లైవ్ కాన్సర్ట్ ఘనంగా నిర్వహించారు. దీనికోసం రాంచరణ్, జూనియర్ ఎన్టీఆర్, రాజమౌళి, కీరవాణి ఒకే వేదికపై సందడి చేశారు. ఆ దృశ్యాలు సోషల్ మీడియాలో బాగా వైరల్ గా మారాయి. వేదికపై ఎన్టీఆర్,రామ్ చరణ్ బాండింగ్ చూసి ఫ్యాన్స్ మురిసిపోయారు.
ఆత్మీయ ఆలింగనంతో పాటు రామ్ చరణ్ ఎన్టీఆర్ కి ముద్దు ఇవ్వడం హైలైట్‌గా నిలిచింది. ప్రస్తుతం అందుకు సంబంధించిన వీడియోలు నెట్టింట బాగా వైరల్ అవుతున్నాయి. ఎన్టీఆర్ మాట్లాడుతూ నాటు నాటు పాటలో నా బెస్ట్ ఫ్రెండ్ రామ్ చరణ్‌తో కలిసి స్క్రీన్ షేర్ చేసుకోవడం ఎప్పటికి మరిచిపోలేను. అయితే చరణ్ వాళ్ల ఫాదర్ చిరంజీవి గారు ఎంత గొప్ప డ్యాన్సరో మనందరికి తెలుసు. అలాగే మా బాబాయ్ బాలకృష్ణ కూడా మంచి డ్యాన్సర్. వీరిద్దరు కలిసి నాటు నాటుకి డ్యాన్స్ చేస్తే అది ఒక మంచి జ్ఞాపకంగా చరిత్రలో మిగిలిపోతుందని ఎన్టీఆర్ అన్నారు. ఇందుకు సంబంధించిన వీడియో వైరల్ గా మారింది.
. @tarak9999 about RC, chiru and Nbk 🔥 pic.twitter.com/TspkMNcgjf
— Let's X OTT GLOBAL (@LetsXOtt) May 11, 2025
