దర్శకధీరుడు రాజమౌళి తెరకెక్కించిన బిగ్గెస్ట్ పాన్ ఇండియా మూవీ “బాహుబలి”..ప్రపంచ వ్యాప్తంగా సినిమా లవర్స్ ని ఎంతగానో మెప్పించిన తెలుగు చిత్రంగా బాహుబలి నిలిచింది..తెలుగు సినిమా ఖ్యాతిని బాహుబలితో దర్శకుడు రాజమౌళి ప్రపంచానికి పరిచయం చేసారు… తెలుగు సినిమా అంటే కేవలం నాలుగు ఫైట్స్ ఆరు పాటలు అని చిన్న చూపు చూసే బాలీవుడ్ మేకర్స్ కి బాహుబలి సినిమా కళ్ళు తెరిపించింది..ఇండియన్ సినిమా అంటే ‘బాహుబలి’ అనే రేంజ్ కు తీసుకెళ్లిన సినిమా గా పేరు పొందింది.. అంతటి సంచలనాలు నమోదు చేసిన బాహుబలి సినిమా వెనక రాజమౌళి కష్టంతో పాటు నటీనటుల పెర్ఫార్మన్స్ అదర హో అనిపించింది..
విశ్వంభర : ఫ్యాన్స్ కి బిగ్ సర్ప్రైజ్.. మేకర్స్ ప్లాన్ అదిరిందిగా..!!
‘బాహుబలి: ది బిగినింగ్’ సినిమా విడుదలై 2025 జులై 10 అనగా నేటికీ సరిగ్గా పదేళ్లు. ప్రభాస్, రానా దగ్గుబాటి, అనుష్క శెట్టి, తమన్నాలతో పాటు రమ్యకృష్ణ, సత్యరాజ్, నాజర్ లాంటి నటీనటులు ఈ సినిమాలో కీలక పాత్రలు పోషించారు. పదేళ్ల క్రితం విడుదలై వరల్డ్ వైడ్ గా రూ. 600 కోట్లకు పైగా వసూళ్లతో రికార్డులు సృష్టించింది, అంతర్జాతీయంగా పలు అవార్డులు సైతం అందుకుంది.. 2015 జులై 10న వరల్డ్ వైడ్ గా భారీ ఎత్తున రిలీజ్ అయిన బాహుబలి మొదటి రోజు ప్రీమియర్స్ నుండి USA, దుబాయ్, ఇతర కంట్రీస్ నుండి సూపర్ హిట్ టాక్ తెచ్చుకుంది.. కానీ తెలుగు స్టేట్స్ నుండి బాహుబలి మిశ్రమ స్పందన రాబట్టింది.
రూ. 40 కోట్ల డేఫిషెట్ లో రిలీజ్ అయిన బాహుబలికి రివ్యూస్ కూడా చాలా నెగిటివ్ గా వచ్చాయి. దాంతో బాహుబలి టీమ్ మొత్తం టెన్షన్ పడింది… కానీ రోజులు గడుస్తున్న కొద్దీ ఆడియెన్స్ లో బాహుబలి సినిమాకు ఆదరణ పెరుగుతూ వచ్చింది. పది రోజులు రన్ తర్వాత బాహుబలి ప్రపంచవ్యాప్తంగా ప్రభంజనం సృష్టించి ఇండియన్ సినిమా అంటే ‘బాహుబలి’ అనే రేంజ్ లో సక్సెస్ అయింది.. పాన్ వరల్డ్ మార్కెట్ కి బాహుబలి తో రాజమౌళి అద్భుతమైన రూట్ డిజైన్ చేసారు..ఆ తరువాత వచ్చిన బాహుబలి 2 సైతం ఏకంగా 1500 కోట్లకు పైగా కలెక్షన్స్ సాధించి సంచలనం సృష్టించింది.
