పవర్ స్టార్ పవన్ కళ్యాణ్ హీరోగా నటిస్తున్న ప్రతిష్టాత్మక మూవీ ‘హరి హర వీరమల్లు’. ప్రముఖ నిర్మాత ఎ.ఎం. రత్నం సమర్పణలో మెగా సూర్య ప్రొడక్షన్ పతాకంపై ఎ.దయాకర్ రావు భారీ బడ్జెట్ తో నిర్మిస్తున్న ఈ పీరియాడికల్ డ్రామాకు ఎ.ఎం. జ్యోతి కృష్ణ, క్రిష్ జాగర్లమూడి దర్శకులుగా వ్యవహారించారు…వరుస వాయిదాల తరువాత ఈ సినిమా జూలై 24న గ్రాండ్ గా విడుదల కానుంది.. దీనితో ‘హరి హర వీరమల్లు’ సినిమాపై ప్రేక్షకులలో అంచనాలు తారాస్థాయిలో ఉన్నాయి. ఇప్పటికే విడుదలైన మోషన్ పోస్టర్స్, సాంగ్స్ కు విశేష స్పందన లభించింది. జూలై 3న ఈ చిత్రం ట్రైలర్ రిలీజ్ కానుంది..
డ్రాగన్ : కన్నడ బ్యూటీ పారితోషకం ఎంతో తెలిస్తే షాక్ అవ్వాల్సిందే..!!
తాజాగా దర్శకుడు జ్యోతి కృష్ణ మీడియాతో మాట్లాడుతూ.. ‘పవన్ కళ్యాణ్’ మునుపెన్నడూ లేని విధంగా మొదటిసారి చారిత్రక యోధుడి పాత్రలో కనిపించనున్నారు.. ‘యానిమల్’ సినిమాలో తనదైన నటనతో ఆకట్టుకున్న బాబీ డియోల్ ‘హరి హర వీరమల్లు’లో మొఘల్ చక్రవర్తి ఔరంగజేబు పాత్రలో నటిస్తున్నారు… నిజానికి బాబీ డియోల్ కు చెందిన కొన్ని సీన్స్ ను ‘యానిమల్’ రిలీజ్ కాక ముందే షూట్ చేశారు. కానీ యానిమల్ రిలీజ్ అయ్యాక బాబీ నటనను చూసిన తర్వాత బాబీ క్యారక్టర్ ను సరికొత్తగా తీర్చిదిద్ది, మరింత శక్తివంతంగా డిజైన్ చేసామని ఆయన తెలిపారు.
యానిమల్ చిత్రంలో బాబీ డియోల్ గారి నటన చాలా అద్భుతం గా ఉంటుంది.. ఆ పాత్రకు సంభాషణలు లేకపోయినా కేవలం హావభావాల ద్వారానే భావోద్వేగాలను వ్యక్తపరిచిన ఆయన అసమాన ప్రతిభ నన్ను ఆశ్చర్యపరిచింది. అందుకే మా సినిమాలో కూడా ఆయన పాత్ర కోణాన్ని మార్చి సరికొత్త రూపం ఇవ్వాలని నిర్ణయించుకున్నట్లు తెలిపారు..
