న్యాచురల్ స్టార్ నాని వరుస సినిమాలు చేస్తూ దూసుకుపోతున్నాడు.. హీరోగా అలాగే నిర్మాతగా కూడా నాని వరుస సక్సెస్ లు అందుకుంటున్నాడు.. నాని ఇటీవల నటించిన ‘హిట్ ది థర్డ్ కేస్ ‘ మంచి విజయం సాధించింది. నాని ప్రస్తుతం శ్రీకాంత్ ఓదెల డైరెక్షన్లో రూపొందుతున్న ‘ది ప్యారడైజ్’ సినిమా చేస్తున్న సంగతి తెలిసిందే. అయితే ఇప్పటివరకు ఈ సినిమా షూటింగ్లో నాని జాయిన్ కాలేదు.
‘మైసా’ గా వస్తున్న రష్మిక.. ఫస్ట్ లుక్ అదిరిందిగా..!!
తాజాగా నాని ఈ సినిమా షూటింగ్లో జాయిన్ అయినట్లుగా చిత్ర యూనిట్ అధికారికంగా ప్రకటించింది. ఇప్పటి వరకు నాని చిన్నప్పటి పాత్రధారితో మేకర్స్ షూటింగ్ చేస్తూ వచ్చారు… జూన్ 21వ తేదీ నుంచి ఈ షెడ్యూల్ షూటింగ్ జరుగుతోంది.. తాజాగా నాని కూడా షూటింగ్ లో జాయిన్ కావడంతో ఈ సినిమా షూటింగ్ శరవేగంగా సాగనుంది..ఈ సినిమాని శ్రీ లక్ష్మీ వెంకటేశ్వర సినిమాస్ బ్యానర్ మీద సుధాకర్ చెరుకూరి అత్యంత ప్రతిష్టాత్మకంగా నిర్మిస్తున్నారు. గతంలో దసరా లాంటి సినిమాతో బ్లాక్ బస్టర్ హిట్ ఇచ్చిన శ్రీకాంత్ ఓదెలతో నాని మరోసారి సినిమా చేస్తుందటంతో ఈ సినిమాపై అంచనాలు పెరిగాయి..దానికి తోడు సినిమాకి సంబంధించిన గ్లింప్స్ కూడా రిలీజ్ చేయగా అది ఒక్కసారిగా ప్రేక్షకులలో అంచనాలను అమాంతం పెంచేసింది.
ఇక ఈ సినిమాకి సంబంధించిన షూటింగ్ హైదరాబాద్లో ఏర్పాటు చేసిన ప్రత్యేకమైన సెట్స్ లో జరుగుతోంది.ఈ సినిమాను వచ్చే ఏడాది మార్చి 26 న గ్రాండ్ గా రిలీజ్ చేసేందుకు మేకర్స్ ప్లాన్ చేస్తున్నారు.. అయితే మార్చి 27 న రాంచరణ్ పెద్ది రిలీజ్ కూడా ఉండటంతో ఈ సినిమా రిలీజ్ డేట్ మారే అవకాశం ఉన్నట్లు తెలుస్తుంది..
