మ్యాన్ ఆఫ్ మాసెస్ ఎన్టీఆర్..ఈ పేరు గురించి ప్రత్యేకంగా చెప్పాల్సిన పని లేదు..ఆర్ఆర్ఆర్’ మూవీలో ఎన్టీఆర్ నెక్స్ట్ లెవెల్ యాక్టింగ్ తో ప్రేక్షకులందరిని ఎంతగానో ఆకట్టుకున్నాడు..ఆర్ఆర్ఆర్ సినిమా ప్రపంచవ్యాప్తంగా సంచలన విజయాన్ని సాధించింది. సినిమా అంతా ఒక ఎత్తు అయితే ఈ సినిమాలో ‘నాటు నాటు’ పాటకి వున్న క్రేజ్ మరొక ఎత్తు అని చెప్పాలి.. ఈ పాట ప్రపంచవ్యాప్తంగా వున్న ప్రేక్షకులను ఊర్రూతలూగించింది.. ఈ పాట ప్రెస్టేజియస్ ఆస్కార్ అవార్డ్ ని సైతం గెలుచుకుని ఇండియాన్ సినిమా చరిత్రలో సరికొత్త అధ్యాయాన్ని లిఖించింది.ఒక తెలుగు సినిమాకు ఆస్కార్ రావడంతో తెలుగు సినిమా ఖ్యాతి ప్రపంచస్థాయికి చేరింది.. ఈ పాటకు ఎన్టీఆర్, రాంచరణ్ స్టెప్స్ కి హాలీవుడ్ ప్రేక్షకులు సైతం ఫిదా అయ్యారు.
ఎన్టీఆర్-నీల్ మూవీ బిగ్ అప్డేట్.. షూటింగ్ మొదలయ్యేది ఎప్పుడంటే..?
ఈ సినిమాలో రామ్ చరణ్,ఎన్టీఆర్ ఇద్దరికి ఇద్దరు తమ అద్భుతమైన నటనతో అంతర్జాతీయంగా మంచి గుర్తింపు సంపాదించుకున్నారు.దీంతో ఇద్దరి హీరోల తదుపరి చిత్రాలపై అభిమానులు భారీ ఆశలు పెట్టుకున్నారు. గతంలో రామ్ చరణ్ హాలీవుడ్ బిగ్గెస్ట్ ప్రాజెక్ట్ లో నటిస్తున్నాడని వార్తలు వచ్చాయి.అయితే ఇప్పుడు జూనియర్ ఎన్టీఆర్ కూడా హాలీవుడ్‌లో అడుగుపెట్టబోతున్నాడన్న న్యూస్ గట్టిగా వినపడుతుంది. ఇందులో భాగంగా తాజాగా హాలీవుడ్ ‘సూపర్‌మ్యాన్’, ‘గార్డియన్స్ ఆఫ్ ద గెలాక్సీ’, ‘సూసైడ్ స్క్వాడ్’ వంటి సినిమాల దర్శకుడు జేమ్స్ గన్ ఈ విషయంపై చిన్న హింట్‌ ఇచ్చారు.
రీసెంట్‌గా ఓ ఇంటర్వ్యూలో భాగంగా ఆయన మాట్లాడుతూ ‘RRR’ సినిమాలో పులితో ఎన్టీఆర్ సీన్స్ అద్భుతం అనిపించాయి, ఆయనతో పని చేయాలని నాకు ఎంతో ఆసక్తిగా ఉంది. ఎన్టీఆర్ అద్భుతమైన నటుడు. తన నటనకు నేను ఫిదా అయిపోయాను. భవిష్యత్తులో అతనితో పని చేసే అవకాశం వస్తే ఎంతో ఆనందంగా చేస్తాను. అలాంటి అవకాశం కోసం నేను ఎదురుచూస్తున్న’ అని తన మనసులో మాట బయట పెట్టాడు. ప్రస్తుతం జేమ్స్ గన్ మాటలు సోషల్ మీడియాలో బాగా వైరల్ అవుతున్నాయి.
