సూపర్ స్టార్ మహేష్ బాబు త్రివిక్రమ్ తో చేసిన గుంటూరు కారం సినిమా హిట్ కావడం తో తన తరువాత సినిమాపై ఫోకస్ పెట్టాడు.. మహేష్ తన తరువాత సినిమాను దర్శకధీరుడు రాజమౌళితో చేస్తున్న సంగతి తెలిసిందే.. ఎస్ఎస్ఎంబి అనే వర్కింగ్ టైటిల్ తో తెరకెక్కుతున్న ఈ బిగ్గెస్ట్ పాన్ వరల్డ్ మూవీ కోసం ఫ్యాన్స్ ఎంతో ఆసక్తిగా ఎదురుచూస్తున్నారు.. ఇప్పటికే ప్రీ ప్రొడక్షన్ వర్క్ పూర్తి చేసిన రాజమౌళి.. తాజాగా ఈ సినిమా పూజా కార్యక్రమాన్ని ఎంతో సీక్రెట్ గా నిర్వహించారు.. అమెజాన్‌ అడవుల నేపథ్యంలో సాగే ఈ కథ రెండు భాగాలుగా రానుందని సమాచారం. తొలి భాగం ప్రేక్షకుల ముందుకు రావడానికి కనీసం రెండేళ్లయినా పట్టొచ్చని తెలుస్తుంది.ఈ సినిమాలో గ్లోబల్‌ బ్యూటీ ప్రియాంక చోప్రా హీరోయిన్ గా నటించనున్నట్లు న్యూస్ తెగ వైరలవుతోంది.
“వార్ 2 ” కోసం రంగంలోకి సూపర్ స్టార్.. ఇక ఫ్యాన్స్ కి పూనకాలే..!!
ఇప్పటికే తన సినిమా కోసం సింహాన్ని లాక్‌ చేసినట్లుగా రాజమౌళి ఓ ఇంట్రెస్టింగ్ పోస్ట్‌ పెట్టాడు. దీనితో మహేశ్‌బాబును తన ప్రాజెక్ట్‌ కోసం లాక్‌ చేశానని రాజమౌళి చెప్పకనే చెప్పాడు. అలాగే షూటింగ్ షురూ అయిందని కూడా హింట్‌ ఇచ్చాడు. ఈ పోస్టుకు మహేశ్‌బాబు స్పందిస్తూ.. ఒక్కసారి కమిట్‌ అయితే నా మాట నేనే వినను అని మహేష్ రిప్లై ఇచ్చాడు. ప్రియాంక చోప్రా సైతం ఫైనల్లీ అంటూ కామెంట్‌ పెట్టింది. ఇదిలా ఉంటే తన సినిమా కోసం రాజమౌళి చాలా జాగ్రత్తలు తీసుకుంటున్నారు..ఎట్టి పరిస్థితుల్లో కథ గాని , షూటింగ్ క్లిప్స్‌ గాని సినిమాలో నటించే వారి గురించి ఎలాంటి వివరాలు బయటకు రాకుండా చర్యలు తీసుకుంటున్నాడు.
ఈ విషయంలో చిత్రయూనిట్‌కు హెచ్చరికలు కూడా జారీ చేసినట్లు తెలుస్తుంది. నటీనటులు, సాంకేతిక నిపుణులతో నాన్‌ డిస్‌క్లోజ్‌ అగ్రిమెంట్ చేయించినట్లు సమాచారం.మహేశ్‌బాబు, ప్రియాంక చోప్రాతో కూడా రాజమౌళి ఈ ఒప్పందంపై సంతకం చేయించారని తెలుస్తుంది..ఈ అగ్రిమెంట్ ప్రకారం సినిమాకు సంబంధించిన ఏ చిన్న విషయాన్ని కూడా యూనిట్‌ సభ్యులు బయటకు చెప్పకూడదు… అనుమతి లేకుండా ఎవరైనా సమాచారాన్ని లీక్‌ చేస్తే భారీ మూల్యం చెల్లించక తప్పదని ఆ అగ్రిమెంట్ సారాంశం..
