మ్యాన్ ఆఫ్ మాసెస్ ఎన్టీఆర్ నటించిన లేటెస్ట్ పాన్ ఇండియా మూవీ “ దేవర “.. స్టార్ డైరెక్టర్ కొరటాల శివ తెరకెక్కించిన ఈ బిగ్గెస్ట్ మూవీ గత ఏడాది సెప్టెంబర్ 27 న గ్రాండ్ గా రిలీజ్ అయింది.. ఈ సినిమా కోసం ఎన్టీఆర్ ఫ్యాన్స్ ఎంతో ఆసక్తిగా ఎదురుచూసారు.. ఈ సినిమా రిలీజ్ అయిన మొదటి షో నుంచే మిక్స్డ్ టాక్ తెచ్చుకుంది..కథ రొటీన్ గా ఉండటం, అలాగే కొరటాల రొటీన్ స్క్రీన్ ప్లే తో సినిమాను నడిపించాడు.. దీనితో ఈ సినిమా ప్రేక్షకులకు అంతగా నచ్చలేదు..కానీ ప్రపంచవ్యాప్తంగా ఎన్టీఆర్ కి వున్న క్రేజ్ కారణంగా ఈ సినిమా 550 కోట్లకు పైగా కలెక్షన్స్ సాధించింది..
తండేల్ : ప్రీలూడ్ వీడియో రిలీజ్..ట్రైలర్ పై అంచనాలు పెంచేసిందిగా..!!
ఈ సినిమా తరువాత ఎన్టీఆర్ హృతిక్ రోషన్ ప్రధాన పాత్రలో నటిస్తున్న ‘వార్ 2 ‘ సినిమా లో కీలక పాత్ర పోషిస్తున్నారు. ఆర్ఆర్ఆర్ సినిమాతో ఎన్టీఆర్ బాలీవుడ్ లో మంచి క్రేజ్ సంపాదించుకున్నారు.. దీనితో డైరెక్ట్ బాలీవుడ్ సినిమా చేసి హిందీ ఇండస్ట్రీ లో పాగా వేయాలని చూస్తున్నారు.. అయితే ఈ సినిమాలో ఎన్టీఆర్ రెండు డిఫరెంట్ షేడ్స్ వున్న పాత్రలో కనిపించునున్నట్లు సమాచారం.. ఎన్టీఆర్ క్యారెక్టర్ లో నెగటివ్ షేడ్స్ కూడా ఉండనున్నట్లు తెలుస్తుంది.. ఈ సినిమాను యశ్ రాజ్ ఫిల్మ్స్ బ్యానర్ పై అయాన్ ముఖర్జీ గ్రాండ్ గా నిర్మిస్తున్నాడు.. ఈ సినిమా ను మేకర్స్ ఈ ఏడాది ఆగష్టు 14 న గ్రాండ్ గా రిలీజ్ చేయనున్నారు..
ఇదిలా ఉంటే ఈ సినిమాకు సంబంధించి ఓ ఇంట్రెస్టింగ్ న్యూస్ వైరల్ అవుతుంది.. ఈ సినిమా హిందీ వెర్షన్ లో ఆ పాత్రలను పరిచయం చేయడానికి స్టార్ హీరో రణ్‌బీర్ కపూర్ రంగంలోకి దిగుతున్నాడట. మూవీలో హీరోల క్యారెక్టర్ గురించి కొన్ని చోట్ల వాయిస్ ఓవర్ వస్తుందని, సినిమాలో ఆ వాయిస్ ఓవర్ ఎంతో కీలకమని సమాచారం. అలాగే తెలుగు వెర్షన్ కి సూపర్ స్టార్ మహేష్ వాయిస్ ఓవర్ ఇవ్వనున్నట్లు తెలుస్తుంది.. మహేష్ ఇటీవల ది లయన్ కింగ్ కి వాయిస్ ఓవర్ ఇచ్చిన సంగతి తెలిసిందే.. మహేష్ వాయిస్ ఇచ్చిన ఆ సినిమా సూపర్ హిట్ అయింది.. దీనితో వార్ 2 పై అంచనాలు భారీగా పెరిగాయి..
