పవర్ స్టార్ పవన్ కళ్యాణ్ హీరోగా నటిస్తున్న బిగ్గెస్ట్ పాన్ ఇండియా మూవీ ‘హరి హర వీరమల్లు’. ప్రముఖ నిర్మాత ఎ.ఎం. రత్నం సమర్పణలో మెగా సూర్య ప్రొడక్షన్ పతాకంపై ఎ.దయాకర్ రావు భారీ బడ్జెట్ తో నిర్మిస్తున్న ఈ పీరియాడికల్ డ్రామాకు ఎ.ఎం. జ్యోతి కృష్ణ, క్రిష్ జాగర్లమూడి తెరకెక్కించారు.దాదాపు ఐదేళ్లు నిరీక్షణ తరువాత ఈ సినిమా జూలై 24న గ్రాండ్ గా విడుదల కానుంది. ‘హరి హర వీరమల్లు’ సినిమాపై ప్రేక్షకులలో అంచనాలు భారీ స్థాయిలో ఉన్నాయి. ఇటీవల రిలీజ్ చేసిన హరిహర వీరమల్లు థియేట్రికల్ ట్రైలర్ కు అలాగే సాంగ్స్ కి కూడా సూపర్ రెస్పాన్స్ వచ్చింది.రిలీజ్ డేట్ దగ్గరపడుతుండడంతో ఈ సినిమా ప్రీ రిలీజ్ ఈవెంట్ ను నిర్వహించేందుకు మేకర్స్ ప్లాన్ చేస్తున్నారు.
బాహుబలి ది ఎపిక్ : కొత్త సీన్స్ తో మరింత కొత్తగా.. రాజమౌళి ప్లాన్ అదిరిందిగా..!!
అందుకోసం ఈ నెల 21 డేట్ ని ఫిక్స్ చేసారు. అయితే ఇప్పుడు ఈ ఈవెంట్ ను ఎక్కడ నిర్వహించాలి అనే దానిపై అనేక పేర్లు వినిపించాయి. మొదట వైజాగ్ లో నిర్వహించాహాలని మేకర్స్ ఆలోచనలు చేశారు. కానీ అనుకోని కారాణాల వలన అక్కడ కుదరడలేదని సమాచారం..ఇక చేసేదేమీ లేక హైదరాబాద్ లోని శిల్ప కళావేదికలో హరిహర వీరమల్లు ప్రీ రిలీజ్ ఈవెంట్ ను మేకర్స్ ఫిక్స్ చేసారు.
అందుకోసం అనుమతులు కూడా తీసుకున్నారు. ప్రస్తుతం పవన్ కళ్యాణ్ ఉస్తాద్ భగత్ సింగ్ షూటింగ్ కోసం హైదరాబాద్ లోనే ఉంటున్నారు. దీనితో ఈ ఈవెంట్ ను శిల్ప కళావేదికలో ఫిక్స్ చేశారు.ఈ ఈవెంట్ కి భారీగా ఫ్యాన్స్ వచ్చే అవకాశం వుంది.. దీనితో ముందస్తు జాగ్రత్తలు తీసుకోనున్నట్లు సమాచారం..
